नी मणदू यू पापी पराण, गांव खोलो की याद छ आणी - २
देश पराया मनखी विराण, कै मा अपणी खैरी लगाण - २
खैरी खै खै की दिन छा कट्ण, दिन गिणी- गिणी मन तै बुझाण
घौर की आज याद छ आणी, दीदी भुली कि खुद सताणी - २
सडकियो मा देखा गाडियो की लैन, छोटी-छोटी बातो मा पड्दू फ़ैन - २
याद आणी छ चाका की लैन, रोड बिचारी बणी रैन्दी मौन
घौर की आज याद छ आण, भैजि भुला की खुद सताणी - २
मीठू पाणी कू हवेगे स्याणी, यख देखा बस यू लुण्या पाणी - २
याद छ आणी डान्डी-कन्ठी, मीलो तलक छ रेतेली जमी
घौर की आज याद छ आणी, माजी बाबा कि याद सताणी - २
घौर की आज याद छ आणी, माजी बाबा कि याद सताणी !
नी मणदू यु पापी पराण, गाव खोलो कि याद छ आण !!
एलबम - ललीता छो छम्म, स्वर - अर्जून रावत, गीत - विनोद जेठुडी
Copyright © 2010 Vinod Jethuri
No comments:
Post a Comment